நன்றி : http://ipc498a-misuse.blogspot.com/2011/05/blog-post_28.html
Saturday, May 28, 2011
அமெரிக்க போலிஸ் செய்தால் கொடுமை! இந்தியப் போலிஸ் செய்தால் சேவை!!
அமெரிக்காவில் இருக்கும் இந்திய தூதரக அதிகாரி மகளை அமெரிக்க போலிஸ் கைது செய்த விஷயம் சமீபத்தில் செய்தித்தாளில் பரபரப்பான செய்தியாக வந்துகொண்டிருக்கிறது.
நியூயார்க் : "இந்திய துணைத் தூதரக அதிகாரியின் மகள் விவகாரத்தில், வியன்னா ஒப்பந்த ஷரத்துகளை அமெரிக்க வெளியுறவு அமைச்சகம் தவறாக புரிந்து கொண்டுள்ளது. உண்மையில், இந்திய தூதரக அதிகாரிக்கான அதிகாரப் பாதுகாப்பு என்பது, அவரது குடும்ப உறுப்பினர்களுக்கும் செல்லுபடியாகும்' என, நியூயார்க் இந்திய துணைத் தூதரகத் தலைவர் பிரபு தயாள் கூறியுள்ளார்.
அமெரிக்கா, நியூயார்க் நகரம் மன்ஹாட்டன் பகுதியில் உள்ள இந்திய துணைத் தூதரகத்தில், துணைத் தூதரக அதிகாரியாக பணிபுரிபவர் தேபாஷிஷ் பிஸ்வாஸ். இவரது மகள் கிருத்திகா பிஸ்வாஸ், 18. தான் படித்த பள்ளியில் ஆசிரியர்கள் பற்றி தரக்குறைவான மின் அஞ்சல்களை அனுப்பியதாக குற்றம் சாட்டப்பட்டு கைது செய்யப்பட்டார். இவ்விவகாரத்தில், கிருத்திகாவின் வக்கீல் ரவி பத்ரா, "அவர் தூதரக அதிகாரியின் மகள் என்பதால் அவருக்கு தூதரக அதிகார பாதுகாப்பு உண்டு. அதையும் மீறி அவர் கைது செய்யப்பட்டு அவமானப்படுத்தப்பட்டுள்ளார்' என்று கூறியிருந்தார். இதை தனது பேட்டியில் கிருத்திகாவும் தெரிவித்திருந்தார். மேலும் ரவி பத்ரா, "வியன்னா ஒப்பந்தத்தின் படி, இது போன்ற விவகாரங்களில் கைது செய்யப்பட்டவர் பற்றிய தகவல்களை, அப்பகுதி நிர்வாகம் குறிப்பிட்ட தூதரகத்திற்கு தெரிவித்திருக்க வேண்டும். ஆனால், அப்படி தெரிவிக்கப்படவில்லை' என்றார்.
கடந்த வார துவக்கத்தில் இதுகுறித்து பேட்டியளித்த அமெரிக்க வெளியுறவு துணை செய்தித் தொடர்பாளர் மார்க் டோனர், "ஒரு தூதரக அதிகாரியின் மகள் என்ற வகையில், அதிகார பாதுகாப்பை அவர் பெற முடியாது' என்று கூறியிருந்தார்.கடந்த 1961ல், ஆஸ்திரியா நாட்டின் தலைநகரான வியன்னாவில் மேற்கொள்ளப்பட்ட சர்வதேச நாடுகளின் தூதரக விவகார ஒப்பந்தத்தில், 36வது பிரிவில், "சம்பந்தப்பட்ட தூதரகத்திற்கு இதுபோன்ற விவரங்களை உடனடியாக தாமதமின்றி தெரிவிக்க வேண்டும்' என்று குறிப்பிடப்பட்டுள்ளது. தொடர்ந்து 37வது பிரிவில், "தூதரக அதிகாரிகளுக்கான அதிகார பாதுகாப்பு, அவர்களது குடும்பங்களுக்கும் பொருந்தும்' என, குறிப்பிடப்பட்டுள்ளது.
இந்நிலையில், நேற்று இதுகுறித்து பேட்டியளித்த நியூயார்க் இந்திய துணைத் தூதரகத் தலைவர் பிரபு தயாள் கூறுகையில், ""வியன்னா ஒப்பந்தத்தில், துணைத் தூதரக உறவுகள்(1963) பற்றிய பகுதியில், 53 (2) பிரிவின்படி, தூதரக அதிகாரியின் குடும்ப உறுப்பினர்கள் மற்றும் அவரது தனிப்பட்ட அலுவலர்கள் என இரு தரப்பினரும், அதிகாரிக்கான அனைத்து சலுகைகள் மற்றும் அதிகார பாதுகாப்பைப் பெறுவர்.அதன்படி போலீசார் கிருத்திகா பிஸ்வாசை கைது செய்திருக்கக் கூடாது,'' என்றார்.
செய்யாத தவறுக்கு தன்னை போலீசார் கைது செய்ததற்காக, 675 லட்ச ரூபாய் (1.5 மில்லியன் டாலர்) இழப்பீடு கோரி, கிருத்திகா வழக்கு தொடர்ந்துள்ளார். இந்நிலையில், அப்பகுதி பத்திரிகைகளில் இச்சம்பவத்தால் அவர் மிகவும் பிரபலமாகிவிட்டார். பல முறை, "டிவி'க்கள், பத்திரிகைகள், இணையங்களில் அவர் பேட்டியளித்து விட்டார்.
இந்த செய்தியிலிருந்து இரண்டு கேள்விகள் எழுகின்றன.
1. குற்றம் செய்ததாக கருதப்பட்டதால் தூதரக அதிகாரியின் மகளாக இருந்தாலும் அமெரிக்க போலிஸ் கைது செய்திருக்கிறது. ஆனால் நம்ம ஊரிலிருந்து செல்லும் இந்திய மருமகள்கள் அமெரிக்காவில் எந்தவித அரசாங்க பின்னணியும் இல்லாமல் அமெரிக்க விசாவில் வேலை செய்துகொண்டிருக்கும் சாதாரண இந்தியக் கணவன் தன்னை வரதட்சணைக் கேட்டு கொடுமை செய்து தனது கர்ப்பத்தை கலைத்து கொடுமை செய்தான், பீரை தலையில் ஊற்றி குளிப்பாட்டினான், சிகரெட்டால் சூடு வைத்தான், ஓடும் காரிலிருந்து தள்ளிவிட்டான், சாப்பாடு போடாமல் வீட்டில் அடைத்து வைத்து கொடுமை செய்தான் என்றெல்லாம் இந்தியாவில் வந்து கட்டுக்கதை விடுகிறார்களே! இதுபோன்ற சம்பவங்கள் அமெரிக்காவில் நடந்திருந்தால் அமெரிக்க போலிஸ் இந்த கணவன்களை எப்படி சும்மா விட்டுவிடுகிறார்கள்?
அப்படியென்றால் இந்தியாவிலிருந்து அமெரிக்கா செல்லும் இந்திய மருமகள்கள் இந்தியாவிற்கு வந்து கதை சொல்லி பணம் பறித்துக்கொண்டிருக்கிறார்களா? அல்லது அமெரிக்க போலிஸ் இதுபோன்ற குற்றவாளி இந்தியக் கணவன்களை தட்டிக்கொடுத்து சபாஷ் என்று சொல்லிக்கொண்டிருக்கிறார்களா?
2. அமெரிக்க போலிஸ் எந்தவித ஆதாரமும் இல்லாமல் தன்னை கைது செய்துவிட்டதால் 675 லட்ச ரூபாய் (1.5 மில்லியன் டாலர்) இழப்பீடு கோரி இந்த பெண் வழக்கு தொடர்ந்திருக்கிறார். அப்படியென்றால் இந்தியாவில் ஒவ்வொரு நாளும் பல அப்பாவிப் பெண்களும், குழந்தைகளும் எந்தவித ஆதாரமும் இல்லாத பொய் வரதட்சணை வழக்குகளில் கைது செய்யப்பட்டு துன்புறுத்தப்படுகிறார்களே. இதைப் பற்றி யாருமே கவலைப்படுவதில்லையே!
ஆதாரமில்லாமல் அப்பாவியை அமெரிக்க போலிஸ் கைது செய்தால் அதைக் கொடுமையாக கருதும்போது தினந்தோறும் பல அப்பாவிப் பெண்களை பொய் வரதட்சணை வழக்குகளில் எந்தவித ஆதாரமுமில்லாமல் இந்தியாவில் இந்தியப் போலிஸ் கைது செய்கிறார்களே அதை தேசசேவை என்று கருதவேண்டுமா?
“Once a complaint is lodged under Sections 498AIPC whether there are exaggerated allegations or there is no evidence, it comes as an easy tool in the hands of Police and agencies like Crime Against Women Cell to hound them with the threat of arrest making them run here and there … … …Thousands of such complaints and cases are pending and are being lodged day in and day out” (Delhi High Court, Savitri Devi Vs. Ramesh Chand, Crl. R 462/2002, Date:19/5/2003).மேலுள்ள செய்தியை வெளியிட்டுள்ள அதே நாளிதழில்தான் இந்த செய்தியும் வந்திருக்கிறது!
கர்ப்பிணியின் கருவறுத்த காவல்துறை - இந்திய வரதட்சணை வழக்குகளின் உச்சகட்டம்
சிந்தித்துப் பாருங்கள். ஏதாவது பதில் தெரிந்தால் உங்களது கருத்துக்களை எழுதுங்கள்.
படித்தவர்கள் தேர்தலில் ஓட்டுப்போடாததால் இங்கே இந்த செய்திக்கு ஓட்டுப்பட்டை வைக்கும் நிலை வந்திருக்கிறது. இங்காவது இந்த செய்தியைப் படித்தவர்கள் தயவுசெய்து ஓட்டுப்போடுங்கள். மக்களிடையே விழிப்புணர்ச்சியைப் பரப்புங்கள்.
